معروضة لشي مناسبة أو بغيتي تباني منورة ديري هذ الوصفة عاد سيري ومتأكدة غتقولي الله يرحم لك الواليدين

معروضة لشي مناسبة زوينة أو بغيتي تباني منورة ديري هذ الحاجة عاد سيري

الطريقة قديمة عندي من ايام الدراسة وباقة كنديرها إيلا كان وجهي مرهق او شاحب او ماعاجبنيش كاع

سبحان الله كيولي رطب وبيض ومنور وحتى الكلف كيغبر ولو مؤقتا..المهم كنبان شبعانة نعاس وراحة.

الطريقة ساهلة

نصف ملعقة قشدة طرية كاملة الدسم وخوذو ذيك الثقيلة ماشي السائلة

نصف ملعقة عصير حامض

خلطهم وحطيهم قناع على الوجه ماعدا تحت العينين

من بعد فزكي وجهك بالما وحكيه بصباعك وديري كوماج ناعم

إيلا ما عندكش ماشي مشكل

ديري لوجهك الصابون وحكيه فنفس الوقت بسميدة الحلوى وشوفي ليا الوسوخات لي غتخرج

شللي وعاودي الصابون وشللي مزيان

والما ديما بارد للوجه باش يبقى مجبد وما عمر التجاعيد يطرفو بيك

صافي نشفيه بفوطة وديري شي حليب

أنا متأكدة للي جرباتها غتدعي معايا