وصفة لسان البحر والخرقوم لتبييض الاسنان

سلام حبيباتي نتمنى تكون أموركم كلها مزيانة وفي صحة جيدة

البنات والله مكنكذب عليكم البارح جربت واحد لالة مولاتي وصفة ايييه لالة ولالة لالة حيت بيضتلي سنيناتي

تقول درت عملية تجميل، ولي غير حالة فومي ونضحك بسبب أو بدون من كثرة معجبوني سناني وبغيتهم يبانو ههههه

راه ماشي حمقة ههه غير ختكم فرحانة والله حيت كان عندي مشكل كبير مع اصفرار الأسنان ومخليت مدرت

جربت بزاف ها قشور البنان ها الفريز ها بيكاربونات الصودا والحامض لي فرعو ليا اللثة منصحكومش بهم  البنات

لي مزالة كتستعملها لسنانها تحبس فورا راها خطيرة

وياما عانيت من حريق ودم بسبابها

المهم نرجعو لوصفتنا لي ساهلة بزاف وكتعطيك النتيجة فالحين متقولي مداومة مصبر 10 أيام ولا ولا

فالبلاصة تشوفي البياض الرااائع والناصع

المهم كيفما قلت ليكم مشيت عند العطار لي وليت ديما غادية جايا عندو لي شافني يقول كتحرك المجامر هههه

وانا غير معمرة الدار بالزيوت والأعشاب ههههه

المهم قلت ليه عطيني زبد البحر والكركم غير 3 دراهم والكركم خديت 2 دراهم

صافي مشيت لدار دقيت زبد البحر وغربلتو مزياااان باش ميجرحش ليا سناني

صافي هزيت مقدار  صغير منو وزدت عليه شوية ديال الكركم وشوية ديال الماء وخلطتهم مزيان وديت معايا تيليفوني ووقفت قبالت المرايا

انا من الناس لي كيقنط يلا بقيت جالسة نحسب الوقت وعمرو يبغي يدوز

ففكرت نجلس نتفرج فالمسلسل التركي لي مهبل النص ديال البنات اكيد ههه ” حب أعمى” وفنفس الوقت درت مقدار من داك الخليط ففرشاة

الأسنان ديالي ووجلست فرك ياما تفرك فرك هنا فرك لهيه حتى دازت 10 دقايق وخليت الخليط فأسناني لمدة 2 دقائق ومن بعد غسلت سناني

بالماء ورجعت غسلت سناني بمعجون الأسنان عادي.

وجبت شوية ديال زيت الزيتون ودهنت به أسناني واللثنة مزيان ومضمضت فومي بالماء على فكرة البنات هاذ زيت الزيتون لي كندير فالأخير باش

يحمي أسناني واللثة أكيد وباش يهنيني من ريحة الفم وخصوصا ديال الصباح من يلاه كنفيقو.

صدقوني البنات والله يلا نتيجة غتبان ليكم فالحين والله مكنكذب

أما يلا عاودتي الطريقة يوميا تيقيني لي شاف سنانك يبقا مبهوض ويسولك أش دايرة.

تحياتي يا عزيزاتييي