مرقة فريدة من نوعها..خاترة ولذيذة لذيذة بزاف
اليوم درت مرقة جات لذيذة لذيذة بزاف
دجاج ابيض في طنجرة الضغط +ماء وتوابل
ابزار سكنجبر ملح الخرقوم وزيت
بصلة مشلضة ..ربيع ما درتوش ما كانش اللي
يتسخر ليَ ههه
هادو دبا كيغلاو في عافية مهيلة
زدت عليهم جوج خيزوات محكوكين في الحكاكة رقيقة
وبطاطا واحدة حتى هي محكوكة في الحكاكة رقيقة
طبعا خيزو والبطاطا منقيين وخضرين
وحكيت شي 5 ضروس ثوم في العيون الرقيقة
ما نكذب عليكم.. ماكاين لا ضامة البنة ولا غيرها الحمد لله مشي مبلية بيهم
ماقلّيت ماوالو كيف عادتي..غير سديت الكوكوت وخليتها تطيب
جات واحد المرقة من شغل يديكم
بنيييييييييينة وخاترة ولذيذة ومغدية
وباش تعرفي نوع الغذاء اللي كليتي واش مغدّي او لا
شوفي الحْنيكات واش توردوا بعد الاكل او لا
ومريقتي المتواضعة ورْدات حنيكات بنتي اللي طحت انا وياها عميين
في الطبق ..هادي تضر ..هادي تنفع ..
بالحق راه جات مرق واااعرة
في طبق التحضير اظفت البطاطا مقلية ..
وحتى واحد فيهم ما عرف انه اكل خيزو محكوك ..
وزيدك راها الخضرة كتدوب والله ما تكتشفها الطباخة الماهرة
ولكن اكرر الحكاكة الرقيقة ديال اينوكس ..
يا لّه الاصيلة فيكم تجربها وترد الخبار..