مجموعة من اسرار الطبخ الرائعة من حادكة مغربية

نقترح عليك سيدتي مجموعة من اسرار الطبخ الرائعة من حادكة مغربية جزاها الله كل خير:

 

الكيك كيجيني طالع وبنين والسر ماكندير لادانون لاحليب كاندير كاس ديال الماء بارد
الدجاج المحمر الا كانو جايين عندي الضياف كنشريه على تساع ونرقدو في العطرية ونديرو في الفريكو كيجي لديد وهشيش
الطياب بكل انواعو لي كيطيب داغيا او لي كيشد الوقت كنقص عليه العافية بزاف مثلا الكرعين او لحم الراس كنقص عليهم العافية كيجيو لداد ودغيا كيطيبو
باش اللحم يطيب دغيا ولا اي حاجة كتاخد الطياب مكنديرش فيها مطيشة في الاول حتى الاخير الى كان طاجين متلا نحكها ونرميها مع الخضرة .
وباش تجي الكيكة طالعة الخميرة كنديرها حتى للاخير اي حتى ندير الدقيق ونخلط ونضيفها ونعاود نخلط
الحرشة كنضيف لها 2 معالق كبار نيدو ونقص شوية من الزيت باش مضرش
وكتجي هشيشة وبنينة .
الحريرة كندورها بمايزينة كتجي بنينة وخفيفة ومكضرش في المصارن بحال
الفرينة
واحد الخلطة تاع العطرية ، رائعة بمعنى الكلمة، كنديرها في اللحم و حتى الدجاج، كتاخدي نفس المقدار من سكينجبنر و القرفة و الهيل (قاعقلة)، مطحونين، خلطيهم مزيان و ديريهم فت قرعية دالزاج.
الدنجال مقلي الى بغيتيه يجي بنين مرمديه في الشرمولة ديال الحوت ثم في الدقيق او شابلير لي متوفر و من بعد قليه انا كنقطعو اصابع طوال بحال الفريت
لحريرة مني طفي عليها زيديها معلقة كبيرة قزبر مكرد.
كولشي كيقولي اش كديري الدجاج كيجي كيف ديال العراس و السر هو مللي كتبقى المرقة قليلة كنهز الدجاج كان صاين و لا مقطع في الفران يتحمر و ديك المرقة كنقطر فيها قطيرات الخل كتولي عاااقدة و غزالة عنداااااااااكم تكثروه .جربوها و دعيو لي…
المسمن باش يجي مورقة هشيش كندير مع زبدة خميرة الحلوى
اللحم او القطنية ايلا بغتيهم يطيبو دغيا كنزيد ليهم شوية ديال الخميرة د الحلوة دغيا كيطيبو .
ملي تبغي تزيدي الماء للطاجين ديال اللحم او الدجاج أولا خاصو يكون ماء مغلي باش ميطرطفش ليك طاجين و متكثريش الماء ومتكبيش الماء فوق اللحم مباشرة وانما فالجاناب دبال الطجين او الطنجرة.
ايلا بغيتي ديري كنور ديما دريه فالدقيقة الاخيرة.
ايلا كنتي كتقلي اي حاجة فوق البوطة جهدي للعافية عاد منبعد نقصي عليها.
القزبور حبوب مطحون كيجي لديد بزاف مع اللحم انا ديما كنديرو فاللحم كيعطيه واحد المداق غيييييييييييير.
ايلا بغيتو الكيكة تجي طالعة مزيان ملي تكونو كتفرغوها فالمول هز يدك الفوق بحال ايلا كتكبي اتاي حتى تفرغيها كاملة و هكا غتسمحي بدخول الهواء المؤدي لإنتفاخ الكيك.
فاش نبغي ندير اللحم واللوبيا البيضاء كانعمل معاهم 4 أولا 5 د عضوما
(النوى) د التمر .. اللحم كاتجي فتييييييييية ومعتبرة.
الرفيسة سرها الثوم ايييه الثوم شي 2 كركوبات الى كنتي غادا ديري دجاجة كاملة و خصوصا البلدي و المساخن يكونو من عند شي صحراوية ماشي ديال العطار .
مني تكوني تقلي الكروفيت ما تنقصيش العافية و الا غادي يتجمع و يتقلص الحجم خلي العافية مجهدة و فقط يبياض و نزولوه و نخليوه نيء من الداخل.
الى كنتي دايرا مرقة و بغيتي تزيدي الماء خاصو يكون سخون ماشي من الروبيني.
العمارة ديال الدجاج هاديك لي كتكون بالفيرميسيل و الحامض و الزيتون و الربيع و سكنجبير زيدي معاها واحدة كنور وردي عليا الخبار.
الى بغيتي الحريرة الحامضة تجيك زوينة ماتغلقيش الطنجرة باش متجيش فيها ريحة المرقة.
بالنسبة للحوت فالفرن مع الفلفلة والبصلة ومطيشة مللي تستفي كولشي وتبغي تدخليه للفرن رشي عليه رشة نتاع القرفة ورشة نتاع سنيدة تيجي رائع.
بالنسبة للكسكس انا تنطيب دائما اللحم مع الحمص والبصلة فالكوكوت بوحدهم وتنزيد ديك المريقة نتاعهم مع مرق الخضر فاخر لحظة قبل مانسقي الكسكس تيجي مذاق اللحم باين وزوين.
المرق والمعجنات وشرمولة الحوت واللحوم والحوت كنعمل معهم الهريسة
شوية فالاول وشوية فالمرحلة الثانية يااااااااي على بنة يتلحسوا عليها الصبعان.
المسمن باش يجيك مورق وساهل فالتوراق عليك بالمدلك كيطلقو بمنتهى السهولة ويجي غزااااال ومورق واهم حاجة اليدين كيرتاحو من كثرة التكراص والطليق العجينة.
وما تنساوش ان العجين الى بغيتيها تكون طوعك ,هي تخليها ترتاح وما تكتريش الخميرة فرتوتة تكفي للمسمن باش ما يخمرش ليك.
انا ديما كندير شوية ديال ازير يابس غير 2 او 3 وريقات مع اللوبيا البيضة كتجي لديدة و ماكضرشي في المعدة و مكتشبعش منها ،
بالنسبة للبيشاميل مللي تظيفي الحليب زيدي كنور وخلطي كايجي مداقو رااائع فالكراتان ويلا كامانش عندك الفرماج الحمر كاناخد شوية من داك البيشاميل قياس زلافة وكانزيد عليه واحد 3 فرماجات مثلتين ونحركو مزيان كايكون سخون وكايدوب فيه الفرماج عاد كانحطو فوق الكراتان مللي كايتحمر كايجي تحلفي عليه فرماج حمر ههههه..
فكرت فسباكيتي المهم ملي ديريها تصلق ضيفي معاها كنور وورقة سيدنا موسى وملي تصفيها خلطيها فالبيشاميل مزيييييييان وضيفي الكفة ليي مشحرة فالبصل والعطرية مع الخليط وحكي عليها فرماج احمر ودخليها للفرن وملي تحمر عاد ديري لاصوص طوماط من الفوق كاتجي واااااااااعرة..
المسمن كيجي مورق وزوين كنزيد خمارة الحلوى مع السميدة وحتى فاني كيجي غزال ومني كيطيب كيعطي ريحة زوينة.
باش تخلطي حشوة السمك حكي البصلة وخلطي بيها ليقامة اللي راك عاملة يعني عوض الما تنعملو ماء البصل المحكوك..كيجي هااااااااائل.
باش الحريرة تجي حمرا ومطيشة تبان فيها وتجي محمضة وزوينة فحال ديال القهاوي هههههههه تتنصبي عادي ولكن مطيشة تتحكيها وتعصري عليها نصف حامضة وتقسمي المقدار على جوج النصف تعمليه فالنصيب والمقدار الثاني ملي تنبغي تدوري الحريرة تتزيدي عليه مطيشة الحك والما مع الدقيق ..تتجي الحريرة

 

مجموعة من أسرار الطبخ سوس

شهيوات زينة في الكوزينة

قد يعجبك ايضا
اترك تعليقا