ما تنشريش القديد والكرداس مباشرة على السلك ديال النشير
سلام حبيباتي كيف راكم لباس
عواشركم مبروكة وعيد مبارك سعيد مسبقا
اليوم جت نشارك معاكم واحد المعلومة بسيطة وكنتمنى تفيدكم غزالاتي
المهم بلا منطول عليكم ندخل نيشان في الموضوع
قد يعجبك أيضا
باش يسهال عليك دخلي القديد بالليل او تغير الجو او كنت خارجة
ما تنشريهش مباشرة على السلك .خودي قصبة و اغسليها مزيان
و انشري عليها القديد و الكرداس و اربطيها من الجوانب مع السلك بشي خيط صحيح.
وهكذا كلما بغيتي تدخليه ما عليك غير تفكي العقيدات من الجناب و تحملي القصيبة ديالك بكل سهولة وبلا محنة .
اوا نتمنى تكون الفكرة واضحة وتجربوها