ماشي كلنا عدنا لاسبراطور باش نشطبو الزربية داكشي لاش عندي ليكم الحل بلا ما تهزو الهم

السلام عليكم و رحمة الله و بركاته

ماشي كلنا عدنا لاسبراطور باش نشطبو الزربية و الكثير كهز الهم لتشطاب ديالها اوا أنا عندي ليكم الحل أ خواتاتي باش تشطبو الزربية بحال الا كتلعبو

1/ختارو شطابة لواقفة ماشي هاديك الرطبة و تكون بلا عصا غير محدورة .

2/نوضو دابا و لاحظو ان الزربية فيها الاتجاه ديال التشطاب بمعنى أن كاين اتجاه لفاش كنشطبو كنعس قطن الزربية و كاين اتجاه لكوقف القطن هاداك

اتجاه معاكس ديال تشطاب و هو سبب أننا كنبدلو مجهود في التشطاب و كيسخفنا ادن لازم نشطبوها في الاتجاه الصحيح نتمنا تكونو فهمتوني و

الأكيد الكثير معمرو رد البال لهاد المسألة.

3 /طريقة تشطاب هي أن تشطب بيد و البالة باش كنجمعو الأوساخ باليد الأخرى في نفس الوقت كنشطبو ونجمعو أما الا بقينا غادين بهاديك

الأوساخ حتى نشطبو الزربية كاملة عاد نجمعوها غير كنعييو يدينا.

و بهاد طريقة مغتهزوش الهم تشطاب الزربية .نتمنا نكون وصلت ليكم الفكرة مزيان.