ماسك القرفة و البيض للتخفيف من الرؤوس السوداء 

السلام عليكم الغزالات
ها أنا رجعت ليكم تاني بماسك للتخفيف من الرؤوس السوداء
-أول حاجة ناخد معلقة كبيرة من الجيلاتين الباودر ،ومعلقة كبيرة من الحليب الكامل الدسم ،نخلطهم ونحطهم في المايكروييف Micro-onde.. عشر تواني فقط أو حمام مريم (فحال الى كندوب الشكلاط) حتى يدوب ..نخليه يدفى ومن بعد كنحطو في المنطقة الي فيها الرؤوس السوداء فقط حتى يتشف من بعد نحيدو ،كيولي ناشف على الوجه وفاش كتبغي تقشريه كيطلع لك الرؤوس السوداء معاه..

أو ممكن تستخدمي أبيض البيض وكلينيكس..تحطي ابيض البيض على الوجه ومن بعد تحطي قطع كلينيكس رقيقة فوقه وتزيدي طبقة ديال البيض تاني غير بالشوية ومن بعد تخليه ينشف وتحيديه

المرحلة التانية : تحطي نصف معلقة القرفة مطحونة ومعلقة العسل العادي ..الناس الي عندها حساسية بلاش او جربوها على بلاصة صغيرة في الاول ،وماشي على الوجه كامل حيت مجهدة..تحطيه ..وتخليه عشر دقائق ومن بعد تغسليه ..هاد الماسك كيتغلغل الداخل وكيفتت الرؤوس السوداء من الداخل ،وكيقتل الباكتيريا ..وكيساعد على التخفيف في المستقبل ،حيت سبق وحطينا ماسك الي فتح لينا المسام ،فكيساعد انه يدخل أعمق..من بعد كتبقى شوية الرؤوس طالعة على برة ،خودي الملقاط (النتاف) حرقي ليه الراس باش يتعقم ،أو مسحيه مزيان بالكحول،وجري غيييير من الفوق ..فحال الى كتحيدي الشعر ،ومن بعد خودي قطن الودنين coton-tige ،حطي عليه ماء الورد ومسحي الجناب مزيان باش تحيدي البواقي

-متحاوليش توركي بصبعانك على النيف ،أولا يقدر الظفر يعلم في وجهك وتجرحي وتبقى العلامة
تانيا تقدري متخرجيهاش مزيان ،ومن بعد تطلع لك واحد الحبوبة غزالة ماتبرى حتى تحمقك
فاش تكملي ضروري مسحي وجهك بماء الورد أو توتر خالي من الكحول باش يسد المسام
ماسك الجيلاتين مرة كل شهرين فقط
وماسك القرفة مرة كل 20 يوم ..وادا هناك حساسية المرجو التوقف عن استخدامه
وبالصحة والراحة

منقول من صفحة   sanziibeauty