لي ماعدوش مع السفنج ممكن يحماق عليه هكا..2 طرق غيحماقو عليهم وليداتك

السلام عليكم و رحمة الله نتمنى تكونو ا في أحسن الأحوال

انا صراحة ماعنديش مع السفج بزاف وقليل فاش كناكلو ولكن منين درت ليه هاذ جوج طرق رجع كيعجبني بزاف

وقلت علاش لا منجيش نشاركهم معاكم وحتى نتوما تجربوهم

الطريقة الأولى كنديروها في دارنا كتشدي السفنج تقطعيه بحال يلا غديري بيه الرفيسة ثم كديري الزبدة تدوب في مقلة و كتزيدي عليها العسل و

كديريه على عافية مهييييلة

وملي تدوب الزبدة رمي عليها داك السفنج مقطع وغطيه و بقاي تحركي مرة مرة العملية لا تستغرق منك اكثر من 5 دقائق

وملي يبان ليك السفنج ترخى و شرب ديك الزبدة طفي عليه و قدميه لوليداتك في gouter

والطريقة الثانية هي كتشدي السفنجة وتبداي تحليها من الجناب مزيان وتغمسيها مزيان ببيضة مطربة وتعمري دوك الجوانب لي حليتي بالبيض وديريها فمقيلة فيها شوية ديال الزيت وخليها تطيب شوية

و بالصحة و الراحة

صدقوني راه كيجيو لذاذ بزاااف نتمنى تجربوهم