لي دخل عندي كيشم ريحة زوينة فكل بلاصة وكيسولني على السر

شحال من وحدة فينا تتشري شي ريحة و تتملها او تتجيها كادو و ما تتناسبش الذوق ديالها..فتتبقى ديك الريحة غير معمرة الكوافوز بلا فائدة!

الطريقة: غتاخذي ديك الريحة و اما تجيبي كلينيكس او ورق المطبخ، او زيف حياتي، او تاخذي شي اطراف ديال شي حاجة من

الملابس ما بقاتش صالحة لا لك و لا لغيرك و تقطعيهم على شكل مربعات او الشكل اللي بغيتي و رشيهم بديك الريحة حتى

يحمدوا الله مشي غير رشيشة خفيفة.. خصهم فاش ينشفوا تكون الريحة عاطية فيهم مزياااااااااااااااان. ايوا الالة غتجيبي المخاد

اللي عندك و تحليهم و تحطي هذاك طرف او جوج في وسطهم على حسب المخدة كبيرة او صغيرة..و طريفات اخريين تقدري

تزيديهم فالركاني او تحت من الطلامط و بالنسبة للفوطويات نفسس الشيء للمخاد دياله..صدقوني الا درتيها ففكل  المخاد ديال

البيت اي واحد دخل غيشم الريحة زوينة..و اللي تتعاني من الرطوبة او بغات تعمل احتياطاتها تقدر تزيدي معهم كموسات فيهم

الخزامى و الورد طبعا ضد الرطوبة و هنا تضربي عصفورين بحجر. نفس الطريقة بامكانك تديريها حتى للمخاد ديال بيت النعاس و

الضياف طبعا.