تعطير الحمام طوال اليوم بقرعة بلاستيك وجل دوش

السلام عليكم ورحمة الله وبركاته أخواتي.

طريقتي باش تبقى التواليت فيها ريحة زوينة ساهلة خاصكم قرعة ديال البلاستيك تاخذوها و تقبوها بشي قطيب يكون سخون من الجوانب تقريبا 4 ثقب من كل جهة عمروها بشوية الما و ديروا معاها سانيكروى أو شي bain douche راه كاينين شي وحدين تيتباعوا غير رخاص ب 13 درهم خودوا ديال التفاح أو الليمون راه رائحتهم غزالة إيوا و عملوا القرعة وسط la chasse في كل مرة كتجريها كتنزل مع الما رغوة البان دوش أو د سانيكروى و كتخلي ريحة زوينة وهي اقتصادية حتى على الما هذا بالنسبة اللي عندها تواليت رومية أما اللي عندها تواليت بلدية فنفس الطريقة غير هو الثقب غتعمليهم تحت القرعة فقط

إيوا كيجاتكم الفكرة ؟