لي بغات تعرف كيفاش تدير لمطيشة باش تصبر ليها حتى عام تدخل
بسم الله ندخل فالموضوع
مني كاتكون مطيشة رخيصة تتكولو مصاب كيفاش ندير ليها باش تصبر ليا كون شريت منها بزاف
الحمد لله كاين كيفاش نديرو كاملين
تناخضو مطيشة ونغسلوها مزيان ونقشوهاونحيدو ليها الزريعة الى كانت خايبة والنباتة ونقطعوها على 2 او4 طراف ونديروها كاملة فشي برمة نزيدو عليها بصلة او2 غير منقين بلا متقطعوهم وشوية كرافس غير شي شوية ماشي بحال لحريرة وشوية ديال الحبق غير لوراق وعنداكم تزيدو الما راه غادي يبسلها وتديروهم فوق عافية مهيلة حتى يطيبو مزيان وتخليوها تبردشوية ومن بعد طحنوها وعمروها فقراعي ديال الزاج وسدوهم مزيان وخودو برمة اخرى حطوفيها القراعي على غطياتهم وعمرو عليهم الما من الاحسن يكون طايب وردو البال راه الما خاصو يكون مغطي القراعي وحطوهم فوق البوطة يغلاو وردو معاهم البال غير تسمعوهم دارو واحد الطرطيقة وحيدوهم ينت تيكون الهوا اللي فيهم خرج ومستحيل تخسر مطيشة اللي فيهم وتقدرو تحتافضوبيها اكثر من عام يلاه الحادكات جربوها وردو عليا الخبار
في امان الله