للموظفات…أفكاري الرااائعة للتدبير و توفير الوقت لتحضير وجبات الاسبوع بكل سهولة
البنات راني لقيت ليكم واحد الجدول عالله اعجبكم
هدا جدول ديال الغدوات
اخواتي الجدول ديالي هو ديال 15 ليوم غيرت فيه اشياء واشياء اخرى كررتها تاني اسبوع .
الاتنين… طجين مخضر وكل مرة وباش كنخضرو
التلاثاء… عدس في الاسبوع الاول ولحم الراس بالوبيا في الاسبوع التاني
الاربعاء… حوت ديال الطاجين مع سلطة
الخميس… قطبان الكبدة الاسبوع الاول وقطبان ديال بيبي الاسبوع التاني وكيكونو مرفوقين بسلطة
الجمعة… بطبيعة الحال كسكسو مع اللبن
السبت… الحوت سردين مشوي او كواري فطاجين مع سلطة
الاحد… الكرتان ديال المقرونية بلصوص وبالبشاميل
والمشروبات اغلبية كيكون عصير وحتى هو على حسب الموجود اما ليمون او حامض او الخوخ الى موجود هذ الايام والديسير حتى هو حسب الموجود اما كيكون فواكه او فلان او gلاس
انا كنحاول ما امكن باش ولادي ياكل سلطة والحوت 2 مرات في الاسبوع ونشكل ليهم في الغداء والعدس واللوبيا والكبدة كنحاول نققل من استهلاك الدجاج وهذا طبعا وكل واحد واشنو كيبغي ياكل واشنو كيفضل
جدول العشاء كيكون خفيف
الاتنين … روز بالحليب وسكر فدار عندي كيبغيوه حلو
التلاثاء … سباكتي بلاصوص بالكفتة ديال اللحم او لداند
الاربعاء … العصيدة ديال البلبولة ديال الزرع مرفوقة مع الحليب
الخميس … صوبا ديال الخضرا مع شي رغايف او بتزات صغار
الجمعة … عصيدة ديال الذرة مرفوقة مع الحليب
السبت … روز بالخضرا كناخد فلفلة خضرا كنقطعها طراف صغار وبصلة مشلظة ومطيشة مقطعة طراف صغار وخزو محكوك وجلبانة وزلافة صغيرة ديال الروز والعطرية ملح ثومة محكوكة وابزار واسكنجبير وكامون وزعفران وعوادة القرفة 3 واوراق الرند 3 و ربع كاس صغير الزيت وندير كل شي في الكوكوط مع اضافة 2 زلايف صغار ماء يعني ضعف قياس الروز ونسد عليها وندير الصفارة ونقص عليها العافية حتى الحد راه كيجي غزال وممكن مرافقوه حتى مع المشويات واطباق اخرى
والاحد … البيتزا او شي حاجة بعجين 10 دقائق هذا هو جدول العشاء البسيط والمتواضع