لعيونكم حبيباتي …واخيييرا جبت ليكم الطريقة الراائعة والسهلة لي غدي تهنيكم صدأ الثلاجة وماكينة الصابون !!!

السلام عليكم اخواتي العزيزات ،واخيرا جبت ليكم الطريقة الرائعة لي هنااتني من صدا الثلاجة والماشينة الصابون،المشكل لي كيعانيو منو اعلب ربات البيوت.

موضوع للاخت هنادي

اول حاجة حكيت بهاداك الجيكس و أوني حتى تعرات البلاصة مزيان لحقاش راه تيكون الصدا حتى من تحت البلايص اللي منفوخين، من بعد حكيت مزياننن بطرف ديال الألمنيوم اللي طويتو شحال من مرة حتى طار الصدا و لكن باقي اللون ديالو.

مشيت ل Mr Bricolage ما لقيتش نفس البرودوي ديال Bombe degripant ماركة ASMACO و لكن لقيت واحدة بحالها و خديتها، تدير 75 درهم و لكن لقيت Bombe de peinture خاصة بالثلاجات و ماكينات الصابون، خديتها ب 59 درهم.

كيما شرحت من قبل تنحتاجو الجيكس الرقيق ديال النحاس اللي متيخدش الأسطح، غا قبلو على جيكسي مكرفس، لوحو زعمة و ورق الألمينيوم و سكوتش الصباغة، أنا ما حتاجيتوش لحقاش جاتني البلاصة اللي فيها الصدا في الحاشية، جورنال باش نحميو الجهاز ديالنا، و هادوك جوج منتوجات.