لعشاق الكفتة ديال السردين…شهيوة رمضانية اقتصادية
لعشاق كفتة السردين فالطاجين وصفة رمضانية وإقتصادية
المقادير
كيلو سردين منقي ومنظف جيدا ومطحون على شكل كفتة
بصل دوائر انا هنا عملت 5 البصلات ولكن صغار باش يجيو زوينين في المنظر
التوابل:
القرفة ء سكنجبير ء بزار ء خرقوم بلدي ء الملح
الزعفران شعرة اختياري ولكن الى كان يكون احسن كيلدد الطاجين
عصير الحامض
2 فصوص ثوم صغار محكوكين
القزبر والمعدنوس مقطعين
زبيب مغسول جيدا
زيت الزيتون
زيت المائدة وشوية السنيدة
طريقة التحضير
في طاجين على نار مهيلة نعملو زيت الزيتون وزيت المائدة والبصل والتوابل والزعفران شعرة نسدو عليها ونخليها حتى تدبال
في هذه الاثناء ناخدو الكفتة نعملو ليها التوابل نفسها اللي عملنا للطاجين ماعدا الزعفران شعرة يكفي يكون غير مع البصل
ثم نضيفو الربيع والثوم وقليل جدا من زيت الزيتون وقطرات قليلة من عصير الحامض ونخلطو الكل
ثم نعملوها على شكل كويرات وتترك على جنب
في هذه الاثناء تكون نزلات البصلة نحركوها ونضيفو ليها الزبيب مع شوية السنيدة
ونسدو عليها حتى تقرب الطيب عاد نضيفو عليها كويرات الكفتة
ونخليوه يطيب على عافية مهيلة جدا ضروري هاد المسألة
ملي يقرب يطيب نضيفو ليه عصير الحامض بلاما تكثريه باش مايطغاش
ونقلبو الكويرات الى الجهة الاخرى باش تاخد اللون حتى هي
بدون التحريك بالوحدة بالوحدة وملي نحسو بيه طاب نقدموه بالصحة والراحة
