كيك طبقات بدون دقيق لذيييذ وساهل يستاهل فمك

نقدم لك مجلة يا لالة طريقة تحضير ألذ كيك طبقات بدون دقيق بمقادير بسيطة لن تستطيعي مقاومة لذته كما أن أطفالك مؤكد سيعشقون طعمه.

المقادير:

3 بكيات ديول هرنيس ولا اي نوع موجود
لتر ونصف حليب
3 فلان فاني
1 فلان شكلاط
سنيدة
كريم بتسيير
نسكافي
2 خيزوات مصلوقين (خيزو اكونو كبار ولا كانو صغار ديري 4)
كاكاو مر
زبدة

طريقة: طبقة الاولى
كنطحنو هرينيس ونزيدو عليه جوج معالق زبدة ومعلقة حليب نسرح هدشي في مول وندخلو تلاجة واحد 15 دقيقة

الطبقة التانية: نصف لتر حليب ندير معه جوج فلان فاني وملعقة كريم بتسيير وجوج معالق سنيدة حتى يغلى كلشي ونزيدوه فوق طبقة الاولى

الطبقة التالتة: نطحنو خيزو لي مسلوق نزيدو عليه فلان فاني واحد وجوج معالق سنيدة ونص لتر حليب ومعلقة كريم بتسير ونيدرهم فوق البوطة حتى يعقاد الخليط عاد نزيدوه على طبقة التانيه.
الطبقة الرابعة فيها نص لتر حليب نص معلقة نسكافي وجوج معالق سنيدة ونص معلقة كاكاو مر وفلان شكلاط ونديرو الكل فوق النار ونزيده على الطبقة التالته

ملاحظة

كل طبقة نديروها في تلاجة حتى تبرد عاد نزيدو عليها خليط (بنسبة سنيدة حتى هي على حسب دوقكم )