كيك بالكريم شونتيي من أسهل و أروع ما يكون…وجديه بعينيك مغمضين

المقادير:

جينواز:

4بيضات.كاس صغير سكر.1 فانيليا.قليل ملح.3 كؤوس دقيق.2خميرة حلويات.نطربو البيض مع شوية ملح مزيااان حتى يتضاعف عاد نزيدو باقي المكوانات
كريم باتسير.
ربع لتر حليب في كسرونه 2معالق مايزينه(نشا).1بيضة.1فانيلية. ونعملوها فوق نار مع تحريك مستمر حنى تعقد نعملوها فصحن نغطيوها حتى تبرد

كريم شنتي .

كريم شنتي اديال .دانون فانيلية.كاس صغير حليب نطربها

حشوة الطارطة النهائية

نخلط قليل من كريم شنتي مع كريم باتسير بطراب
نقطع فرسية نزيدولها سكر وماء زهر حتى ينزل السيرو دالفريس الي كنسقيو بيه الجنواز
طريقة .نقطع الجنواز على 3 نفزكو اول طبقة بسيرو الفريسة نضيف قليل من كريمة الي حضرناها نزيدو قطع فريس مع لوز او كركاع ونكملو طبقة اخرى نفس الشي حتى نساليو نزينوها على حسب كل واحد ودوقو انا زينتا بكريم شنتي +فريسة +شكلاطه مبروشة