كيكة لذيييييذة بالشكلاط….اقتصاااااااااادية و كذوب في الفم

المقادير و الطريقة :

3 بيضات

كاس عنيبة زيت

كاس … سكر

كاس … كاكاو

2 دانون مسوس

1 دانون ڤانيل

2 خميرة حلوى

2 سكر ڤاني

زلفة ونصف دقيق

شوكولاط حبوب دوائر

لتزيين شوكولاط اسود ندوبوه مع الحليب

وشوكولاطة بيضاء محكوكة

 

الطريقة

نخلطو البيض مزيان مع السكر والڤاني من بعد نضيفو الزيت وحنا كنخلطو نزيدو دانون ومن بعد الدقيق والخميرة نخلطو مزيان ومن بعد نكوبو نصف الخليط في مول مدهون بالزبدة والدقيق ونفرشو من فوق شوكولاط دوائر

هداك نصف الخليط لي بقى لينا نزيدو علية كاس ديال الكاكاو ونخلطوه مزيان ومن بعد نكوبوه من فوق الشوكولاط ندخلوها الفران حتى تطيب مزيان ومن بعد ندوبو الشوكولاط مع الخليب ونكوبوها من فوق الكيكة تكون سخونة ونزوقوها بشوكولا بيضاء وندخلوها الثلاجة تبرد مزيان وبصحة وراحة