كيكة طيفال بالشكلاط بدون فرن …من لذتها مغتشبعيش منها

مجلتك يا لالة جلبت لك وصفة روعة لتحضير كيك بدون فرن ، كل ما تحتاجينه هو مقلة طيفال فقط.

المقادير:

6 معالق الزيت
6 حليب
4 معالق سنيدة
2بيضات
8معالق دقيق فورص
خمارة الحلوى
كاكاو

مقادير كريمة
جوج كيسان حليب
جوج معالق نشا
جوج معالق كاكاو
جوج معالق سنيدة
مربعات شكلاط حسب الذوق

طريقة التحضير

نخلطوا مقادير الكيك عادية و نقسموها على اربعة جوج يبقاو بيضين و جوج نضيفو ليهم الكاكاو، و نبداو نطيبو ناخدو طيفال تكون صغيرة شيءا ما و نديرو فيها الخليط على نار مهيلة و انتابهو راها دغيا كاطيب مللي نشوفها بدات كاتنشف من الفوق نقلبها و نخليها طيب واحد خمس دقاءق و نزولها من المقلة بمساعدة سباتيل و هكدا حتى نكملوا كاع الكمية.
من بعد نوجدو الكريما نخلطو جميع المقادير و نديرها فوق الناز مع التحريك حتى تعقاد و نبدا نمونطي الكيك ديالي ندير طبقة كيك و طبقة كريما وهكدا حتى نكملوا و نزينوا كيفما حبينا كانجي زوينة و مختلفة على الكيك العادي.