كيكة بدانيت اقتصادية وساهلة والطعم رهيييب لا يقاوم
إليك يا لالة طريقة سهلة وبسيطة لتحضير أسهل وألذ كيكة بمقادير اقتصادية والطعم لا يقاوم.
المقادير:
4بيضات،
3كيلات سكر،
كيلة زيت،
2ملاعق كبار كاكاو،
علبة دانيت انا استخدمت ذوق كراميل ويمكن تستعملي ذوق الشكولة،
1خميرة،
3 ونصف كيلة فرينة مغربلة.
للتزيــن:
علبة شكولة من الافضل امباسادور،علبة دانيت
ملاحظة:
كيلة : هي علبة الدانيت فارغة
الطريقة:
نخفق البيض جيدا مع السكر نضيف الزيت ثم علبة الدانيت ونخلط ثم نضيف الكاكاو والخميرة والفرينة ونحرك من فوق لتحت
ونحطها في مول مدهون بالزبدة ومرشوش بالفرينة
ونحطها تطيب في فرن مسخن مسبقا على درجة حرارة180درجة بعدها نخليها تبرد تماما.
من جهة نحط الشكولاتة على حمام مائي تذوب وبدون اضافة الحليب عليها لما تذوب ننزعها من النار ونضيفلها علبة الدانيت ونحرك ونغطي بها الكيكة ونخليها تنشف شوية ونقدمها.. صدقوني طعمها رهيييييييب.
