كيكة باردة بكريمة الشكلاط….رووووعة

المقادير

3 بيضات
نص كاس سنيدة
كاس زيت
2 خمارات
كاس ونص دقيق
وعندنا
كاس سنيدة
كاس ماء
2 معالق مايزينا
2 معالق كاكاو مر

الطريقة

فالاول ناخدو كاس سنيدة وكاس ماء مع المايزينا والكاكاو ونخلطوهم فكاسرونة على عافية مهيلة حتى يعقاد شوية ونطفيو عليه ومرة مرة نحركو وناخدو 3 بيضات نطربوها مع نص كاس سنيدة ونبقاو نزيدو كاس زيت شوية بشوية مع التطراب ثم الدقيق والخمارات وفالاخير بعدما دفا الخليط اللي فكاسرونة كانزيدو معلقة بمعلقة ودائما مع التطراب بالطراب الكهربائي وندهنو المول اللي كايتحل من الجناب ونكبو فيه خليط الكيك وندخلوه الفران يطيب ونخليوه يبرد واحد نص ساعة عاد نوجدو الكريمة 

مقادير الكريمة 

نصف لتر حليب
فلان شكلاط كبير
2 معالق سنيدة
2 معالق نشا
10 قطع شكلاط مربع

الطريقة

نديرو الحليب مع المايزينا والفلان والسكر حتى تعقاد ونحيدوها ونزيدو الشكلاط ونحركو مزيان ونكبو مباشرة فوق الكيك ونزينو باللي بغينا وندخلوها الثلاجة تبرد مزيان وبالصحة والراحة