كيكة المقلاة لي مكتخطانيش فالدار كتوجد في أقل من 30 دقيقة وكتجي بنينة وكتشهي

كيكة طايبة فالمقلة كتجي غزالة
و كتوجد فاقل من ساعة  لضيوف الغفلة نتمنى تعجبكم وصفة الأخت Sara الله إعطيها الصحة

بنات المقادير ساهلين بزاف و اقتصاديين:

3 بيضات و 6 معالق سنيدة 9 معالق زيت 9 معالق حليب و معلقة خل و 12 معلقة دقيق و خمارة و نصف صاف بالتتابع نطلعو البيض مزيان و نزيد داكشي لاخور و نقسمو على 2 النصف نزيدو فيه 2 معالق كاكاو و نديرو المقلة ديال البغرير طيفال كنأكد ضروري و نطيبو الخليط البيض على 2 مرات و الاسود على 2 مرات و اهم حاجة ردوو البال بزاف كطيب فرمشة عين 2 دقايق و قلبو لتحرق و انا طلعت الكريم فريش و سقيت كل طبقة بالسيرو و درت الكريم و غطيتها بالكريم و كبيت كناش شكلاط فوقها اللي فيها شوية كريم فريش فوق النار حتى تغلا و نزيد 2 قطع الشكلاط اسود و نحرك و نديروها شوية فالتلاجة تشد راسها و الحلوة فالفريكو تقصاح شوية و نكبو كناش و نزينو و بالصحة ^^
ساهلة ماهلة.