كيكة المقلاة بريستيج بالشونتيي والشكلاط
كيكة المقلاة:
3 بيضات
كاس سكر
كاس حليب
كاس زيت
3 معالق كاكاو
فانية
2 خمارات
2 كسان ونصف دقيق
كنخلطو كولشي ونقسمو الخليط على 4
ونشدو مقلة مكتلصقش ندهنوها بشوية دزبدة ونديو كل طبقة طيب حوالي 10 دقايق نقصي العافية مزياان و غطي المقلاة بشي غطى
فاش يطيبو الطبقات كاملين خليهوم يبردو
وخودي 2 كيسان حليب يكون بارد وباكية ديال كريم شونتي وباكية ديال موس شوكولاط وطربيوه حتا يولي كريم مزيان
خودي كاس ديال الماء و فانية و نصف كاس سكر ديريهوم يطيبو يولو سيرو وحطي الطبقة لولة شربيها بسيرو و دهني بالكريم وزيدي الثانية نفس الشكل حتا تسالي طبقات من بعد غلفي الكيك كولها بالكريم و التزيين على دوقك 🥰