كيكة التفاح في المقلاة ..سهلة وسريعة وهشيشة كذوب فالفم ..صور

هدي اسهل طريقة لعمل كيكة التفاح و هي وصفة فرنسية خفيفة وسريعة ولذيذة والله هايلة وخفيفة بزاف وبنينة وسريعة للضياف واهم حاجة حتى لو معندكش تفاح ممكن ديروها بدون فاكهة كما تقدروا ديروها أيضا بالإجاص
المقادير لخبزة واحدة :
1 بيضة واحدة تكون كبيرة
فاني
رشة ملح
50 غ فرينة مغربلة طبعا
5 سل حليب سائل
ملعقة كبيرة ونصف زيت
50 غ سكر عادي = زوج ملاعق كبيرة سكر
معناها نصف باكي خميرة حلويات
لتعسيل التفاح نحتاج : 11 تفاحة واحدة مقشرة ومقطعة مكعبات صغار + ملعقة صغيرة زبدة + رشة فانيلا + زوج ملاعق أو ثلاثة سكر حسب الرغبة ماتكثروش سكر
الطريقة
1- في إناء صغير ( انا استعملت كاسرول صغيرة ) :
نضع التفاح المقطع مع الفاني والزبدة والسكر على نار متوسطة أو هادئة نوعا ما ( باش مايتحرقش التفاح ) ونبقى كل شوية نحرك برفق حتى يطلق التفاح الماء نتاعو ومن بعد ينشف ويتعسل بالسكر ( مالازمش يرجع السكر كارامال والتفاح مالازمش يرجع لونو بني فقط يرجع لونو ذهبي ومعسل مليح مثل الصورة ) … نطفي النار .
2- في نفس الوقت نوجد خليط السفنج باش نربح الوقت :
– نخلط بالباتوغ : البيض مع السكر ورشة الملح والفاني … نضرب مليح حتى يذوب السكر
– نضيف الفرينة والخميرة مغربلين مسبقا ونخلط شوية برك بالباتوغ حتى تتخلط مليح
– نضيف الزيت والحليب ونخلط بالباتوغ حتى تتخلط مليح
– نضيف التفاح المعسل إلى الخليط ونخلط برفق بواسطة سباتولا باش ما نفتتش التفاح
33- نحط مقلاة صغيرة تسخن على نار هادئة جدا جدا على الكانون الصغير ( مقلاة صغيرة ماشي كبيرة ) وضروري جدا تكون المقلاة ماتلصقش
– ندهن المقلاة بشوية زبدة بالبانسو نتاع السيليكون
نفرغ الخليط ونسويه برفق ودائما نأكد النار تكون ناااااقصة على الاخير وعلى الكانون الصغير
– نغطي المقلاة بغطاء وإذا ماعندهاش غطاء نحط غطاء الكوكوط أحسن ونحط الصفارة باش ماتتنفسش .
– تأخذ حوالي ربع ساعة باش تنتفخ وتنشف وطيب من داخل ماتبقاوش كل دقيقة تحلو طلو عليها خليوها وقت على الأقل عشر دقائق وطلو المهم كي تشوفوها نشفت تماما كي تحطو صباعكم على الوجه برفق تلقاوها ناشفة
– نقلبها على الوجه الىخر ونرجع نغطيها
– كي تتحمر على الوجه الثاني ( هنا تاخذ حوالي خمس دقائق فقط ) ، نحطها في صحن التقديم ونعسلها وهي سخونة بعسل يكون بارد
– أنا زدت دهنت الوجه بشوية جولي للمعان فقط إذا ماعندكمش جولي ماشي شرط تدهنوها المهم تتعسل