كيراتين طبيعي وجديه فدارك بأقل تكلفة و بنتيجة مبهرة

اليك سيدتي طريقة تحضير كيراتين طبيعي وجديه فدارك بأقل تكلفة و بنتيجة مبهرة
كنحتاجو الضلفات دالهندية غتلقاي الصورة فاول تعليق او الصبار طلبي من شي حد يجيبو ليك وزولي ليه الشوك ونقي ليه القشرة وقطعيه مربعات وخليه فالمجمد.فينما غتغسلي شعرك كتخدي على حساب شعرك مثلا شعرك طويل حتى الكتاف كتحتاجي زلافة عامرة شعرك اطول كتاخدي كمية اكثر كتخليه حتى ياخد حرارة المطبخ وطحنيه مع ملعقتين عسل وملعقة زيت الجنجلان وملعقة صغيرة زيت الخزامة هذا هو الملين الطبيعي لي غتعملي بعد غسيل الشعر خليه واجد . ودابا اجي نعملو وصفة قبل غسيل الشعر دائما كنعطيك قياس شعر لي طويل حتى الكتاف .الموسطاشة .
كتاخدي كاس كبير زرعة الكتان نقيه ورقديه فكأسين كبار دالماء وخليه اربعة وعشرين ساعة مغطي فمكان بارد من بعد كتصفيه والماء لي خرج منو كتعمليه فكاسرونة وزيدي عليه كاس دالروز وزيدي الماء وصلقي الروز مزيان وصفيه واحتافضي بالماء ديالو فالثلاجة مسحي بيه وجهك فالليل رائع.كتاخدي الروز لي صفيتي زيدي عليه زريعة الكتان وكاس دزيت بلدية وطحني الكل مزياااااان وخليه يبرد. خودي خصلة الشعر ودهنيها بالخليط وجبديها ومشطي وخودي خصلة اخرى ودهنيها وجبدي ومشطي وهكذا بداي من الرقبة حتى توصلي القدام مشطي وجمعي شعرك وخليه ينشف متغطيهش ملي ينشف دخلي الحمام ومتنسايش الملين لي وجدتي ديال الصبار بللي شعرك بالماء ميكونش سخون ومشطي بمشطة سنانها واسعين وشللي بالماء مزيان وعملي الشمبوان مرتين كفاية متكتريش الشمبوان باش متزوليش المفعول دالوصفة شللي مزيان ونشفي شعرك بالفوطة ودهني الملين مزياان كثري وعملي القبعة البلاستيكية وخليه حتى تكملي غسيل جسمك وشلي شعرك بالماء دافي مزياان ومسحيه بفوطة برفق وبصحتك وراحتك عملي هذه الوصفة مرتين فالاسبوع باش تعطيك النتيجة كيف جاتك الوصفة الا عجباتك شاركيها مع اصدقاؤك بصحتكم فضلا وليس امرا شجعو الصفحة لانها باقا جديدة جزاكم الله خيرا الوصفة المقبلة شمبوان باش تبقاي تغسلي يزيد يرطب ويقوي الشعر مرحبا