كويرات الارز معمرين بالدجاج والفروماج..من اسهل والذ مايكون

كراة رز معمرين بدجاج وفرماج 

مهم مقادير كتصلقي روز ماشي كلاصي لاخور عادي كيجي حسنقلت انجرب بكلاصي كتخليه يتصلق مع شوية دملحة تا كيطيب مزيان وينشف .
فمقلة ديري بصلة مع صدر ديال دجاج حاولي تقطعيه صغييييير باش يساعدك فخدمة كديريه مع بصلة شوية دزيت عطرية ملحة ليبزار سكنجبير خرقوم والا بغيتي زعفران انا مكنستعملوش ملي يقرب يطيب داكشي زيدي عليه قزبور قطعيه رقيق صافي ملي كيطيب داكشي كتزيديه على روز وديري 2 بيضات او على حسب كمية دروز لي عندك وشوية ديال حليب كتخلطي ديكشي مزيان وتاخدي ديري كورة دروز ديري وسطها حفرة عمريها بفرماج لي كان متوفر عندك انا كان عندي هداك مربع دسندويتش عمرت بيه وكتكوريها مزيان ودوزيها فلاشابليغ (خبز مطحون ) الى مكانش دوزيها فسميدة بعدا ديما عاطياكم البديل هههه وصافي كتقليها فزيت خاص تكون سخونة مزياااان وحاولي تكون عافية مهيلة شوية متكونش مجهدة.

 

قد يعجبك ايضا
اترك تعليقا