كوماج بلدي بالعرعار الورد وازير لتقشير الجسم

كوماج بلدي كنديرو فالحمام كيخرج الجسم كيضويو ريحتو كتحممق و لي شافتي كتسول على السر

نصف كيلو صابون بلدي هاد النوع الممتاز الي قابت فراسو ولون ديالو مغلوق
ناخدو 4م ك من الحبة السوداء مطحونة ‘4م ك من ازير مسحوق 4م ك من الخزمى مسحوقة 4م ك من الورد بلدي مسحوق 4م ك من الزعتر مسحوق 4م ك من الريحان 4 م ك من سكر كلاصي 4م ك من عصير الحامض 4م ك من ماء الورد4م ك من العرعار مطحون نسحقو جميع هاد الاعشاب ونغربلوها حتى تولي بودرة باش ميجيش حرش على الجسم حاجتنا فيه ناعم كتير كتير نخلطو الاعشاب ونضيفوها على الصابون البلدي في اناء كبير نوعا ما ونضيفو عصير الحامض وماء الورد ونخلطوه مزيان واحنا كندلك بكف اليد حتى تنسجم العناصر كاملة ونعبيوه فبواطات ونحتفضو به وكل مابغينا ندوشو او نمشيو الحمام ناخدو القدر الي يكفينا ونضيفو عليه اما م ك من النشا او م ك من بودرة الطالك ديال الاطفال راه معروف ومنحتاجش نقولكم على خصائص الاعشاب وفوائدها بالنسبة للبشرة المهم دبا ندوزو لمقادير الوصفة الاصلية الي هي الكوماج

مكونات الكوماج
4م ك من صابون بلدي بالاعشاب الي حضرنا اعلاه
2م ك من زيت اركان كيس حمام الحرش

الطريقة

نخلطو الصابون بلدي مع زيت اركان ونبللو الجسم بالماء وناخدو هاد الكيس ونحكو به ماشي تسمعو نحكو وتبداو تبردو لا وياكم راه احنا كنعملو غير كوماج بحركات دائرية خفيفة مدة 10دقائق ونغسلو عادي راه كيخلي الجسم رطب وناعم وكيزول الخلايا الميتة ونغسلو عادي شعرنا وجسمنا وملي نشللو نرطبو ونعمو جسمنا ونعشو البشرة ديالنا بمساج خفيف والجسم باقي منشفناهش من الماء بزيت الزنجلان او زيت اركان او زيت اللوز باش نحافضو على نسبة كبيرة من الماء داخل الجسم ونرطبوه ونعموه وجربو وردو عليا الاخبار تحياتي ودمتن سالمين

امة الله123