كنت صلاعيت من القدام ودابا الحمد لله من بعد ما جربت هاد الوصفة الممتازة

الوصفة ساهلة بزاف و أنا متأكدة أنها غتعجبكم ، عافاكم لي دخلت دعي معايا بشي دعوة زوينة وماتنساوش راه كاين معاك ملاك إلى دعيتي مع شي وحد تييكول الملك أمين ولك مثل ذلك الموهيم الوصفة هي : عظم ديال تمر و زيت الزيتون ، تاخذي عظام تمر وتشمشيهم وتحرقيهم في الفران حتى يكحالو مزيان وطحنيهم وخلطيهم مع زيت العود وديريهم في شي قرعة و دهني بيهم البلايص الصلعين في شعر ،أنا دايراهم في جعبة ديال الماسكاراقديمة وتنديرها كل نهار واخا ماتنغسلش شعري كل نهار حيت أنا شعري كحل متاتبانش فيه ، ولي تيطيح ليها شعرها زيد شوية زيت الخرواع وهاكا ماغيبقاش يطيح وغادي يكتر شعر من القدام أنا من رمضان وأنا تنديرها كنت صلاعيت من القدام ودابا الحمد لله ولا مزيان بزاف تبارك الله وبعد المرات تنديرها حتى لشفاري راه مزيانة بزاف منقول وصفة للأخت ريهام جزاها الله خيرا اتمنى ان تستفدن منها