كلشي كيعرف يطيب السفة ديال الروز بالدجاج ….ولكن بهاد الطريقة ديال ماما أكيد غادي تعجبك وتحمق عائلتك بالصور !!

 

لالياتي اليوم جيتكم بوصفة سفة الروز بالدجاج رائعة بالشرح الوافي والطريقة مشروحة ببعض الصور ، رغم أن عدد الصور قليل إلا أن الطريقة واضحة . الوصفة مشاركة من صفحة اكلات مغربية شهية على أمل أن تنال إعجابكن

مقادير سفة الروز:

الدجاج حسب الرغبة 2  حبات بصل مقطعة طول ( متقوليش ليا البصلة غالية، غير صبري ههه )
التوابل : الملح ، الابزار ، سكينجبير ( زنجبيل ) ، القرفة والزعفران نحتاج كذلك ملعقة سكر ، الزيت والزبيب وكأس ماء

 

مقادير الأرز:

 

نصف كيلو أرز
حوالي كاس كبير من الماء

طريقة تحضير الدجاج:

 

نعمل الزيت والدجاج والتوابل المذكورة في المقادير نعملها مع البصل في طنجرة ونضع الطنجرة على نار متوسطة ونتركهم يتشحرو ومرة مرة نقلبهم حتى يدبل البصل ثم نضيف له الماء والزبيب والمعلقة ديال السكر ونترك الكل ينضج ، ونمر لتحضير الروز

طريقة تحضير الروز ( الطريقة الاولى ):

 

هذه الطريقة الأولى لتحضير الارز اللازم لتحضير سفة الروز ، وهي التي أفضل لأنه تايجي ناضج أحسن والطريقة وأسرع وهي كالتالي :

نعمل الروز يتسلق فالماء مدة 10 دقائق حتى 15 دقيقة مع التحراك حتى لايلتسق الأرز

من بعد ما يتسلق الروز نزيل الماء الساخن ونغسله بالماء البارد ثم نعمل الروز ديالنا في الصفاية حتى يتسقطر مزيان ثم نعمله في الكسكاس يفور 10 دقائق تقريبا ملي يفور نعملوه فالقصرية وندهنه بالزبدة ( ملعقة ) ونرجعوه للكسكاس يفور 10 دقائق

طريقة تحضير الروز ( الطريقة الثانية):

 

” شخصيا لا أفضلها لأنه تايجي قاسح أحيانا بالنسبة لي “ نأخد الروز وندهنه بالزيت ، ثم نضعه في إناء ( الكسكاس والبرمة ) من أجل أن يتبخر نتركه في يتبخر مدة 15 دقيقة ثم نزيله ونضعه في قصرية ونرشه بالماء البارد وشوية الملح ونترك الروز حتى يشرب ثم نعيده للكسكاس من جديد هذه المرة نتركه في الكسكاس مدة 25 دقيقة ثم بعد ذلك نزيله من جديد ونرشه بالماء البارد مرة ثانية هذه المرة الماء يكون مخلط مع شوية السكر ونترك الروز مرة ثانية حتى يشرب ونرجعوه يتبخر مع تغطيته

ونعيد العملية مرة أخرى أو 2 على حسب نوعية الأرز ونتركه حتى ينضج

إضافة الدجاج في الأخير ( يعني بعد تطبيق احدى الطريقتين ) نعمل الروز في إناء ونضيف له  الزبدة

والسكر بودرة ونخلط جيدا ثم نضيف غليه الدجاج ديالنا من بعد مايطيب هو والبصل

ونزين سفة الروز بالدجاج ديالنا حسب الذوق والرغبة وبالطريقة التي نفضل

وهاهي صورة للتقديم.