كريب مالح معمر و المذاق لا يقاوم

وصفة الكريب مالح معمر ديال اللاخت

مصورتش المقادير والطريقة ولكن كلشي باين وسهل

شوية الكفتة

شوية د الكروفيت

قد يعجبك أيضا

شريحتين أو أكثر الداند مدخن وممكن يتعوض بالمورتاديلا

أربع أو خمس أصابع من السوريمي

بصلة مشلضة

صلصة الطماطم

زيت بلدية

إبزار + سكنجبير + ملح + تحميرة + الحار إختياري

كنشحر البصلة فالزيت مع العطرية والملح حتى تدبال مزيان ونضيف الكفتة نفتتها مزيان حتى تطيب ونضيف الكروفيت منين يطيب نضيف صلصة الطماطم وباقي المكونات

نخلي الحشوة تبرد على ما نحضر الكريب

فالعادة الكريب منين كنكون غادي نعملو مالح ومقلي كنعمل فبلاصة الحليب الماء

500 مل ماء

3 بيضات متوسطين أو 2 كبار

250 غ دقيق وعينك ميزانك مع الخليط حسب نوعية الدقيق

م ك زيت

ملح

رشة إبزار إختيارية

كنطرب السوائل فالخلاط ونبدى نضيف الدقيق ونطيب الكريب عادي

ونبدا نعمر كيف واضح فالصور وندوز الكريب فالبيض والشابليغ لي كنخلط معاه شوية د الدقيق وبعض المرات كنزيد معاه شوية د الزنجلان كيعطيه فالقلي طعم رائع

ملاحظة مهمة : منين نجيو نقليو الكريب خص يكون الزيت سخون مزيــــــــــــــان باش ميتفتحش الكريب والميتشربش الزيت