كرواصة باللبن ناجحة مع طريقة التوريق بالصور

السلام عليكم اخواتي ليوم صايبت كرواصة باللبن جات خفيفة ومورقة نخيكم مع المقادير انا درت غير النصف

المقادير

750غ دقيق
250غ لبن
60غ زبدة لينة
ملعقة كبيرة خميرة فورية
2 معالق كبار سكر
بيضة
ملح
1خميرة الحلوة
والماء حسب العجين متكونش خفيفة
للتوراق
350غ زبدة
وشكلاط

الطريقة

نخلطو كل المقادير ندلكوها مزياااان نسر حوها بالمدلك ونطويوها على 4 نغلفوها بالبلاستيك ونخليوها في التلاجة ليلة كاملة او 4 ساعات على الاقل

ملي تخمر نسرحوها ونوضعو وسطها الزبدة نطويوها وندخلوها للتلاجة لمدة نصف ساعة وملي تخرج نعاودو نطويوها على 2 تم نعاودو نطويوها على 2 تم ندخلوها للتلاجة لنصف ساعة اخرى هاد العملية نعاودوها 4 مرات

ملي تنكملو عدد الدورات تنسرحوها رقيقة وتنقطعوشرائط طويلة نديروها مربعة او مثلثة نحشيها بالشكلاط ملي نكملو ندهنوها بالبيض والقهوة ونخليوها تخمر عاود ندهنوها مرة اخري ونزينوها باللوز والى الفرن ملي تخرج وتبرد نغبروها بسكر كلاصي