كتستعملي صابون الكف فالماكينة…جبت ليك ما أحسن منو و الريحة يا سلاااام

هادا شحال جربت صابون كنصبن بيه الحوايج في ماكينة الصابون أوتوماتيك وصراحة كيخلي في الحوايج ريحة غزالة

غتشميها ملي تكوني كتنشري, هو كذلك اقتصادي.

مغنطولش عليكم “السوسبانس” هذ الصابون هو بكل بساطة هو :

أوني ديال الخزامة ony

كنشري الباطا الكبيرة ديال أوني بالخزامة وكنديرها حدا لاماشين ملي نبغي نصبن كندير 3 ملاعق ديال أوني إلى كانو

كثار وعينك ميزانك.ممكن تزيدي جافيل أتشي بالنسبة للحوايج البويض كايخرجو صافيين.

صراحة كونت كنصبن بصابون المنجل لكن كيخلي لاتراص ديال الصابون في اللون الأسود زيادة على أنه كنعكز كلمرة

نحكو. وملي جربت أوني صراحة جاهز و اقتصادي وريحة زوينة,جربت ديال الحامض لكن لقيت أن ديال الخزامة

أحسن كيخلي ريحة فنة في الحوايج ملي تكوني تنشري.

بالصحة جربوها وردو عليا الخبار.