خلطة القطران والزنجلان للحد من التساقط بسبب الرضاعة
حبيباتي اليوم رجعت لكم بموضوع جديد عن التساقط لكان عندي رهيب بسب الرضاعة وملي وقفت الرضاعة زاد طاح وشعري فينما مشيت نلقاه طايح حتى فحويج ولدي
بعد معاناة كبيرة من التساقط وبعد زيارة الطبيب وأخد الدواء ولا نتيجة وبعد وبعد وبعد
اليوم لقيت الحل وأهم حاجة فيه ساهل
المهم ندخلو لصلب الموضوع
بعدما شفت النتيجة المذهلة في شعر قريبات زوجي ليكان شعرها قصير و دغيا كيتكرد وولا مشاء الله طويل وغزال وكتير
مسكينة مخبات عليا ولو بقوة الفرحة ديالها
هي علبة كتباع عند العطار خضراء مرسومة فيها إمرأة بشعر طويل ملي كتحلي العلبة فيها 2 قراعي زيت وحدة ديال القطران ولخرى يمكن ديال الزنجلان حيت مكاتبين عليهم والو وكيس صغير فيه مجموعة أعشاب مدقوقة
كخلط العناصر ب-3 فشي قرعة ووقتما بغيتي تمشي الحمام كتخدي جهد معلقة كبيرة وتزيدي عليها زيت العود الجهد ليدهن لك شعر كخلتي كلشي دهني وسري لحمام غسل
اوى بصحتك التحمم مسبقا وبصحتك شعرك في حلة الجديدة هاد الوصفة كتعطي للشعر واحد البريق عجيب والله شاهد على ما أقول كتقوي الزغبة من جديد كتحيه وكتشد الزغبة في الراس + ترطيب رهيب رهيب والله أنا شعري أصلاً رطب ولكن بهاد الوصفة زاد أكتر وأكتر وكأنه كراتين أو شيء من هاد القبيل يكفي غير نشف شعري بسيشوار كيولي مطلوق بلا تجباد
نسيت ماقلتش لكم راه هادشي غير ب-20 درهم فقط مكتوب في العلبة حمادة بنشقرون فاس
المشكل الوحيد هي ريحة القطران أنا كندير وسط الحمام بش راجلي ميشمش فيا ديك الريحة وخى كنخليه غير شوية عطا نتيجة دارت 3 ديال المرات لاحضت تغيير فعلي.