قنينطات جديدة و لذيذة…تصلح للضيوف و العراضات

300g كفتة، بصلة مشلدة رقيقة، معلقة صغيرة راس حانوت الخاص بمروزية، معلقة صغيرة قرفة، ملحة وزيت زيتون، كاس روز مسلوق مع ملح و عود قرفة، كاس كبير لوز مسلوق مقشر ومقلي على نار مهيلة باش يطيب من برا ومن لداخل، حزيمة معدنوس مقطعة، معلقة زبدة و معلقة كبيرة ماء زهر، 3 معالق كبار عسل و ورقة بسطيلة

نشحرو بصلة مع زيت و مليحة حتى تدبال نزيد كفتة ونحرك ثم نزيد قرفة و راس حانوت و شوية بزار و سكين جبير ونخلي الكل يطيب فاش نقرب نطفي نزيد معلقة كبيرة عسل نخلط ونطفي.من بعد ناخد روز ليسلقت نزيدلو زبدة وماء زهر وملعقتان كبيرة عسل ونخلط و ناخد ونضيفو على خليط الكفتة و نزيد لوز مهرمش ونخلظ مزيان ونبدا نعمر قنينطات كيما كتوضح صورة اول حاجة نحط حشوة في طرف ورقة نلف عليها طرف اول ثم جنب ليمن ثم جنب ايسر ونلوي ونسد بطحين مخلط  مع شوية ماء ندهنهم بزيت ونطيبهم في فرن متوسط حرارة يتحمرو.