قررت نشري طاجين و نحافظ عليه شوفو الفكرة لي درت قبل ما نستعملو
بما أن الطاجين من الضروري تواجده جديدا في كل بيت إلا أن مشكلة التصاق الطعام فيه أو الحروق تعد من اكبر المشاكل التي قد تصادفها ربات البيوت مع الطاجين، لكن هذا أصبح من الماضي حيث أحضرت لك سيدتي مجلة يالالة هذا الحل المثالي حتى تتخلصي من مشكلة الحروق في الطاجين وتستمتعي بمختلف الأطباق ونرجو أن تنال إعجابك.
إذا كنتو شريتو الطاجين لأول مرة لازم تغسلوه مزيان بالماء و سائل غسيل الأواني حتى يتنظف من التراب و الأوساخ ثم خليوه في الماء مدة نصف ساعة أو أكثر
من بعد حيدوه من الماء و حطوه ينشف.. ثم دهنوه مزيان بزيت العود أو الزيت النباتية من الداخل و الجوانب و حتى من الخارج و خليوه يشرب الزيت … ثم عاودو دهنوه مرة أخرى إما بالزيت أو بالشحمة ديال الكلوة لأنها كتعطي لذة للطاجين فاش كطيبو فيه .
من بعد ما دهنوه دخلوه للفران على درجة حرارة متوسطة و لمدة 10 حتال 15 دقيقة حتى ينشف من الزيت
فاش تخرجوه من الفران وضعوه فوق شي منديل أو شي شبكة و ما توضعوهش مباشرة فوق الأرض
من بعد ما دهنوه دخلوه للفران على درجة حرارة متوسطة و لمدة 10 حتال 15 دقيقة حتى ينشف من الزيت
فاش تخرجوه من الفران وضعوه فوق شي منديل أو شي شبكة و ما توضعوهش مباشرة فوق الأرض
و بهاد الطريقة غتكونو حميتو الطاجين و يمكن ليكم تستعملوه بكل أمان
نصائح للحفاظ على الطاجين مدة أطول
ما توضعوهش مباشرة فوق العافية بل فوق شي مقلة ثقيلة أو شي غلاقة ديال الحديد
ما تجهدوش للعافية على الطاجين با خليوه يطيب على عافية مهيلة
فاش تبغيو تمرقو الطاجين ضيفو الماء سخون ماشي بارد و ضيفوه في الجوانب ماشي في الوسط
فاش يطيب الطاجين خليوه حتى يبرد عاد زولوه فوق البوطة أو وضعوه فوق منديل أو شبكة .
ما توضعوهش مباشرة فوق العافية بل فوق شي مقلة ثقيلة أو شي غلاقة ديال الحديد
ما تجهدوش للعافية على الطاجين با خليوه يطيب على عافية مهيلة
فاش تبغيو تمرقو الطاجين ضيفو الماء سخون ماشي بارد و ضيفوه في الجوانب ماشي في الوسط
فاش يطيب الطاجين خليوه حتى يبرد عاد زولوه فوق البوطة أو وضعوه فوق منديل أو شبكة .