فين ما نطيب البيتزا الريحة ديالها كتنتشر فكل العمارة ولي شفتو يسولني على سر البنة

غادي نعطيكم فقط طريقة العجن الي غتخليك تستغناي عن الفران اما الحشوة فباختيارك بشرط تكون كل مكونات الحشوة طايبة فالمقلة

هاد البيتزا فنة وريحتها بحال ريحة بيتزا المطاعم  والله بنتي شمات ريحتها فباب العمارة وانا ساكنة فالطبقة الثالتة

والاهم من دلك انها كتوجد بمنتهى السهولة سواء باليد او بالآلة

انا استعملت هاد الخلاط ووجدات رطبة وبسرعة.

اليكم المطلوب

فالخلاط ضعي بالمراحل

زلافة فورص مغربل

ملح

ثم خلي الخلاط يدور جوج دورات

ثم ضفي بيضة كاملة

ثم ملعقة كبيرة نيدو

ثم ضفي خميرة فورية مخلطة مع ملعقة سنيدة مخلطين فالماء

الخلاط كيدور تمام ؟

ثم ضفي الماء

و الحليب احسن من الماء باش تجمعي العجين ولكن على دفعات باش تشوفي العجين عينك ميزانك ثم في الاخير نظيف الزعتر مدقوق او محكوك

فراحة اليد لانه كيعطي لدة لعجين البيتزا

خلي الخلاط يدور حتى تولي العجين كتلة واحدة مثل البرج هههههه

وقلبيها الى كانت مدلوكة مزيان زيدي فيها شوية زيت الزيتون وتدور شوية فالخلاط وخرجيها ودهنيها بزيت العود فالسطح والجوانب وداك يحفظها من

تشكل طبقة حرشة اثناء التخمار ودهني وعاء بزيت الزيتون وغطيها تخمر وترخى لاكثر من نص ساعة باش تجيك ساهلة من بعد

من بعد فرقيها على 4 او اقل ودهني قصعة وطلقيها رقيقة مستعينة بالزيت ديال المائدة ثم تكيها فالفرشيط من كل النواحي باش ما تنفخ

والآن هيا بنا الى مقلة وجدة سخونة

هي كتطيب ونتي كتقاديها وهي فوق المقلة والى بانت ليك كتنفخ زيدي تكيها بالفرشيط

لانها ما خاصهاش تنفخ

ملي تطيب دهنيها بزيت العود كطبقة اولية ثم ضعي الحشوة الجاهزة ديالك ومستحيل تبقى فيها فرتوتة واحدة

الى كانت العائلة كبيرة ممكن تجهيزها مرتين او مضاعفة المقادير

المهم هاد المقادير كتعطي 4 بيتزات