فنانة مغربية تتعرض لحادثة سير مميتة رفقة والديها والمتتبعين في صدمة
تعرضت الفنانة الشابة نهيلة القلعي رفقة والديها، لحادث سير مميت أمس الأحد، على مستوى الطريق السيار لمدينة فاس.
وصدمت خريجة برنامج “ذا فويس كيدز” متابعيها على صفحتها الخاصة بموقع “انستغرام”، بعد نشرها لصور من حادث انقلاب السيارة التي كانت على متنها رفقة والديها، قائلة: هاد اليوم شفنا الموت أنا وواليديا عمرني توقعت نعيش هادشي لكن ماعرفتش شنو الحاجة الزوينة اللي درنا فحياتنا باش ربي ينجينا من هاد الكارثة بهاد الأعجوبة”.
وتابعت الفنانة الشابة بقولها: “هاد الساعة كل اللي عارفاه اننا وصلنا لفاس خرجنا من الطريق السيار صافي بقاتلنا 15 دقيقة گاع ونوصلوا شوية حتى كانشووف الطوموبيل غاتخرج على الطرييييق بقيت نغوت باباااا رد البااااال لكن فات الفوت الطوموبيل تقلبت بزاف دالمرات
فاش حبسات كنت فديك الوقت كانفكر غي فواليديا، بقيت واحلة مع السمطة حتى زولتها وحليت الباب خرجت شفت بابا كايحاول يخرج من السرجم وضرت عاود نشوف ماما لقيتها حتى هي واحلة مع السرجم مشيت جريتها وخرجتها كانت الساعة 4:30 فديك الوقت
شوية بداو الناس يوقفوا لينا (كاين ناس اللي مزال فيهم الخيير) عاونونا وجبدولنا حوايجنا وقابلونا على ماجات l’ambulance.”
وكشفت المتحدثة نفسها معبرة: “كنا مقصحيين بزاف انا كنت حاسة بالضربة فصدري قلنا صافي تهرست من تم ماما ضهرهااا وبابا جاتوا الضربة فراسوو ويديه لدابا مزال كانشوف المنظر دالطوموبيل كاتقلب ومامتيقاش كانقووول انا فحلم واقيل اللحمدالله على كل حال الطبيب قال انه هاد الحادثة صعيبة بزاف الطوموبيل اللي يوقعلها هكاك ماينتظروش يخرج منها الشخص عايش ربي وقف معااانا الحمد الله”.
يشار أن نهيلة القلعي اشتهرت من خلال مشاركتها في برنامج “ذو فويس كيدز” سنة 2016، وذلك بعد أدائها لأغنية “الأسامي” للراحلة ذكرى، إذ تمكنت من جذب انتباه الحكام والإنتقال للمرحلة الثانية من البرنامج.
