فكرة واعرة كلشي كيهضر عليها فتجفاف وتسياق الدار….جربيها وردي عليا الخبار

نقدم لك سيدتي هاد الفكرة الرائعة  و جد راقية للجفاف والميناج جبت لكم هاد الفكرة ديال الميناج والجفاف لي معتمداها شخصيا  ونتمنى تعجبكم

أول حاجة كنستعمل القراعي ديال منظف الأواني من بعد ماتخوا كنعمرها بالخليط ديال الما وسانيكروا وكنرش الدار وندوز الجفاف.هاد الطريقة اقتصادية ومكتخليناش نرشو بالجهالة ونتكايسو على الخشب (les meubles )  لي عندنا فالدار باش ما يخسر بالماء.

وكنستعمل هاد القرعة أيضا فحاجة أخرى هي أني كنخلط فيها مسحوق أريـــــــال وجاڤيل والماء وكنرش بها الطواليط والبينوار أعزكن الله كيبقاو ديما نقيين بيضين ومعقمين.

ثاني حاجة فكرة الجفاف شفتها فالمحلات التجارية وطبقتها، كناخدو فوطة مابقاتش صالحة للاستعمال ولا شي ثوب مشابه للفوطة ونقطعوه على قياس الكراطة ونخيطوه من الجناب ونديرو ليه لاستيك باش ايلا لبسناه للكراطة مايبقاش يتحيد كل شوية.

ايلا ماكاينش لاستيك ممكن تعوضوه بالخيط يعني تلبسو الكراطة وتجرو الخيط وتعقدوه. ويلا ساليتو من الجفاف ديالكم غسلوه ونشروه هاكا يبقا ديما نقي وما فيهش ريحة خايبة.