عيتي من تنظيف ألة البانيني و تمسحي التفرتيت كل مرة ..الحل ساهل

ألة البانيني ولينا كنخدموها بصفة يومية كنسخنو فيها الخبز و المعجنات بحال البغرير و المسمن و البتي بان و زيد و زيد…
كتحمري فيها اللوز حيت كتحمرو مزيان ،خلي عليك الساندويتشات لي كنطيبو فيه و ليدام لي كيطلقو…صراحة كتكون تمارة مع التنظيف دائما و الواحد كيعكز مرة مرة..
و بلا كثرة الهضرة…الحل أحباباتي ساهل ماهل هو قبل مندير شي حاجة فوق ديك الصفيحة أولا كنفرشو ليها واحد ورق الزبدة أو
papier cuisson…و كتبقا ديك البلاصة ديما نقية و غير كتبدلي الورق…إوا شفتو الطريقة قداش ساهلة بلا حكان بلا تمارة..
و متنساونيش من الدعاء و معايا غتلقاو ديما الجديد السهل و المفيد..

ملاحظة : ورق المطبخ راه مكيتحرق ما والو ،كيجي بحال إلا درتوه فالفران ،خاص غير ديروه هو مديروش أي نوع من الورق الآخر.