عيتتي من الربوج فالدار و قوة المواعن فالكوزينة…جربي هاد النصائح وغادي تهناي

اليوم ان شاء الله جبتلكم طريقة غزالة باش تخلصو من كل الفوضى اللي فالبيت عندك
خاصك تعرفي بأن الفوضى فالبيت هي لكتسبب لك الأرق و القلق و التوثر و الحزن و نعوذ بالله من ذلك.
خاصك تعرفي بأن النظام هو اللي كيجعلنا نشيطين متميزين و رائعين و في راحة بال بإذن الله.

اذن سيري جيبي ورقة و ستيلو باش تكتبي اش غادي ديري و تبعيه مزيان و غادي تحسي بالفرق الكبير

هادا جدول للمطبخ و الى عجبكم ان شاء الله نحط جداول أخرى للغرف و الأشياء أخرى ان شاء الله

قيدي فورقة.
جدول أعمال المطبخ
1- ازالة كل الأزبال بأنواعها من المطبخ و رميها في سلة الأزبال
2- ازالة كل الآواني المتسخة من الأماكن المختلفة ووضعها في المجلى.
3- ازالة الأكل من فوق الطاولة أو في الصحون ووضعه في مكان خاص لذلك وضعه في الثلاجة أو على حسب الغرض.
4- تنظيف سلة الأزبال و شبكة الآواني و ترتيبها من جديد.
5- غسل الآواني بالترتيب الزجاج أولا ثم الميكة ثم الحديد.
6- مسح الطاولة و تنظيفها و تنظيف البوطاجي كذلك و البوطة كذلك.
7- تنشيف الآواني ووضعها في مكانها.
8- تنظيف لافابو.
9- تنظيف الأرضية و تسييقها ثم تعطير المطبخ.
10- اخراج كل اللوازم الغير مرغوب فيها أو الغير المختصة بالمطبخ و ارجاعها في مكانها المناسب.
11- تجهيز الأكل بترتيب.
هاد الورقة علقيها فالمطبخ و تبعيها بند بند و غادي تشوفي الفوضى نتي ليقضيتي عليها ماشي هي.

و السلام عليكم نسأل الله ان يبارك لنا في أوقاتنا و أعمالنا يارب.

قد يعجبك ايضا
اترك تعليقا