عوض شراء السمك المصبر هاكي طريقة تصيبيه فدارك وبكل سهولة ولي كلاه عندك مستحيل يفرق بيبنو وبين المشري

عوض شراء السمك المصبر وما قد يحمله من مخاطر ،فيمكنك سيدتي تحضيره في بيتك بكل سهولة و إليك الطريقة:

خذي كيلو من سمك الطون نظفيه واغسليه و ضعيه في
الكوكوط + 3 فصوص ثوم + زلافة زيت مخلطة بلدية ورومية + شوية زريعة القزبر مدقوقة ومغربلة + ملح + ورقة سيدنا موسى
+ ليتر ونصف ماء .

قفلي الكوكوط وخليه يطيب حتى يحيد منه الماء ويبقى غير الزيت
إذا وجدت الاشواك أو السلسول ما طايبش مزيان
زيدي الماء ورديه يطيب ، يجب أن تتفتت الاشواك عندما تضغطين عليها بيدك
ومن ارادت الحار يمكنها إضافة مزيودات ديال السودانية

وكاين طريقة أخرى  و تتيجي فوق الروعة وشحال من واحد كلاه وما فرق بينو وبين ديال السوق….

المقادير

متلا انا كندير 2كلغ سمك الطون وخصو يتغسل مزيان ومايبقاش فيه الاتر ديال الدم ومن بعد حطي الكوكوط وستفي الحوت وغطيه بالزيت الرومية .

بالنسبة للكمية انا كاندير حتى نلقا الزيت مغطي غير شويا الظهر ديال الحوت ومن بعد ضيفي 2معلق نتاع الملح .

وهو تايجي مالح باش تا يعطي لدة ديالو وندير الابزار وقلبو داك الحوت مزيان باش مايباش جيه مالح ولوخر مسوس .

صافي هادو هما المقادير ومن بعد سدي الكوكوط مزززززززيان حتى ماتبقاش تتنفس وشعلي البوطة ومن الاحسن الصغيرة والعافية تكون بحال الشميعة..المهم يعني نقصوا للحد الاقصى لي عندكوم اوا خليواه 2 سوايع .من نصف ساعة ل نصف ساعة حركو لكوكوط غير شويا باش مايلساقش الحوت….وما تخافوش وتقولو غدي يتحرق حيتاش مافيحش لما ….

انا فالمرة الاولى ما صدقتش ولكن انا دائما عندي موجود فالدار كنحطو فالعشية كندير بيه السوندويتش وكنتعشا بيه …هاد النوع للحوت ليجي غير بالزيت

وبالصحة والراحة