عندي ليك واحد الطريقة تخلي دارك مرايا..تتشعل بالنقة والريحة ديما منعشة

السلام عليكم و رحمة الله

عندي لكم واحد الطريقة تتخلي دارك مرايا بدون مبالغة, غادي تولي تتشعل بالنقة و لمعان ورائحة معطرة حاجة أخرى غادي تحسي حتى بليونة في المكان لي حكيتي يعني واخا نبغي نوصف لك مغاديش نعرف,حتى تجربي بنفسك,المنظف هو السائل لي تنغسلوا بيه الأواني(أي سائل كيف ما كان)و روح ديالسنيكروا مع إضافة الماء

أكيد غادي إكون بزاف ديال الأخوات جربوه لكن أنا غادي نعطيكم طريقتي لي تنعمل,بالمناسبة هي مكونات رخيصة مقارنة مع النتيجة,يعني ربما تنشريو منظفات غالية لكن مغاديش تعطينا نفس النتيجة,جربي أولا غير في حوض غسيل الأواني ديال المطبخ و الحمام باش تشوفي بنفسك النتيجة,أنا تنحك بشيتة بمجهود بسيط مع المحلول و تولي كل شي تبرق
لكن ملاحظة مهمة بزااااف ضروري و مؤكد هو أنك توضعي قفاز في يديك عند إستعماله ضروري لأنه يؤثر على اليدين إذا لامس المنظف مباشرة,هدا باش تحافظي على نعومة يديك

أنا تنعمل شويا ديال روح سنيكروا و سائل الأواني مع الماء في قرعة فيها بخاخ هاد الطريقة باش تنمسح الثلاجة من الخارج ,زليج أي شئ
و القرعة التانية نفس الطريقة غير أنا مخصاصها للحمام و التسياق و غيره ,لسهولة إستعماله

بالنسبة للكمية أنا بصراحة تنكتر من الروح (واخا كاين لي تيقول غير قطرات كافية)يالنسبة لي تنعمل غلاقة أو 2 و أيضا تنستعمل سائل الأواني بكمية معندلة و من بعد تنعمر القرعة بالماء