عندي لكم واحد السر اعتمد عليه في لاصوص دمطيشة فالوجبات و المذاق لذييييذ

السلام عليكم ورحمة الله وبركاته
عندي لكم الاخوات واحد طريقة تعتمد عليها انا و الوالدة في طياب وتيجي بنين
مثلا في طياب معجنات والقطاني والكسكس والحريرة او لاصوص بيتزا او اي اكلة تنعملو فيها طماطم مضحونة جربوها وردو عليا الخبر

الطريقة ساهلة لكن نتيجة رائعة تتاخدي طماطم ومن الافضل تكون كمية كثيرة نوعاما مثلا في مرق كسكس او قطاني وشعرية مثلا
تنعمل 4 طماطم كبار حتى 5 طايبين يعني حمرين تناخدهم نقطعهم بالقشرة ديالهم ونعملهم في كسرونة مع ماء و قليل من ملح والابزار سكنجبير ونخليها تصلق على نار مهيلة ما تكثروش ماء حتى تغلى مزيان وتحسي بها طابت وتصلقت مزيان في داك ماء

وتخليها تبرد وتضحن في مولينكس وزيديها على مرق الكسكس او طيبي بها القطاني تتعطي واحد نكهة ومداق زوين ومرق خاتر وبنين والسر بسيط هو طماطم طايبة عاد ضحنها وبلا حكان بلا تقشير طماطم بلا تامرة جربوها وردو عليا الخبر
وما ترحموني من صالح دعواتكم وشفاء امي الغالية ولكم بالمثل