عندك مقلاة كيلصق فيها البيض؟؟ دخلي كاين الحل

السلام عليكم ورحمة الله وبركاته

اليوم جيت نفيدكم بواحد الفكرة على المقلة لي كتطيبي فيها الأومليط وكتلصق ليك

وغترجعها لك جديدة وتهناي من هاذ المشكل

بلا منزيد نطول عليكم حبيباتي

يلا عندك مقلاة كيلصق فيها البيض (لومليط)

الحل ساهل غتخدي المقلاة وديري فيها 2 معالق ديال الملح وتزيدي عليها 2 معالق ديال الطحين

ومن بعد تحطيها فوق نار متوسطة  وتخليها لمدة 20 دقيقة أو 30

حتى يتحمر الطحين مزيان ومن بعد غادي  تحيديها من على فوق البوطة

وتمسحي المقلاة مزيان بورق المطبخ وان شاء الله مغتبقاش تلصق

نتمنى تكونو استافدتوا ولي كتعاني من هاذ المشكل تجرب هاذ الطريقة

وغادي تتهنى بإذن الرحمان

دمتم في رعاية الله