عندك زيت الكاليبتوس و زيت الورد دخلي نوريك واحد الوصفة خطييرة و تخرجي فرحانة براسك

اليوم نزولا عند طلباتكم غادي نقدم لكم هاد المجموعة ديال الزيوت وطوبين وان شاء الله كنتمنى نكون فدتكم
على بركة الله نبدا
زيت الدرة
كاس من الدرة جافة ومطحونة
3 كؤوس من اما زيت نوار الشمس او زيت الزيتون او زيت اركان التجميلي او زيت الزنجلان
الى كنا بغينا زيت الدرة لشعر نعملو زيت نوار الشمس او زيت الزيتون
اما الى بغيناه للبشرة والجسم نعملوه فزيت اركان او زيت الزنجلان
ناخدو قنينة نضيفة ومعقمة نعملو فيها الدرة والزيت نغلقو ونعملو القنينة في حمام مائي مدة 20دقيقة ونزولوها ونكررو العملية مدة اسبوع وكتصبح جاهزة للاستعمال بعد تصفيتها

زيت الكليبتوس


حفنة كبيرة من اوراق الطازجة للكليبتوس
3كؤووس من زيت نوار الشمس
قنينة زجاجية نضيفة و معقمة
نغسلو اوراق الكليبتوس بالماء ونشفوهم جيدا كناكد نشفوهم بمنديل جيدا باش متفسدش لينا الزيت ونقطعو الاوراق شوية ونعملوهم فلقنينة ونصبو عليهم الزيت ونغلقو القنينة ونعملوها فحمام مائي مدة 20دقيقة ونزولوها نكررو العملية مدة اسبوع وبعدها نصفيوه ويصبح جاهز للاستعمال وهو مفيد جدا لاامراض المفاصل مع اضافات طبعا
زيت الورد

كاس ورد اما طري او جاف بلدي المتوفر
2كؤوس زيت زيتون او زيت اركان
قنينة نضيفة ومعقمة
نعملو الورد فلقنينة ونصبو عليه الزيت ونغلقو القنينة ونعملوها فحمام مائي مدة 20دقيقة ونزولوها ونكررو العملية كل يوم لمدة اسبوع تم نصفيوه ويصبح جاهز للاستعمال
صابونة رقم1 للبشرة الدهنية كتنقيها من الشوائب

صابونة دوف
كاس ماء ورد طبيعي راني سبق وحطيت الطريقة ديالو
نصف كاس من زيت اكليل الجبل اي ازير
نصف كاس من زيت الخيار راني سبق وحطيتو
نحكو الصابونة ونرقدوها فماء الورد ليلة كاملة والصباح ونعملوه في لااناء على حمام مائي ونضيفو ليه باقي المكونات مع التحريك حتى ينسجم ونزولوه من على النار ونصبوها فقوالب ونتركها معرضة للهواء حتى تجف ونغسلو بها كل صباح

صابونة رقم2لتنقية البشرة ونضارتها وصفائها واشراقتها


صابونة دوف
نصف كاس زيت الورد
نصف كاس زيت البقدونس
نصف كاس زيت الخيار
كاس ماء ورد طبيعي
نفس الطريقة ديال الصابونة رقم1

صابونة3 الكركم للجسم ولكل كيعرف الفوائد ديالو


صابونة كبيرة دوف
كاس ماء الورد
3 م ك من مسحوق الكركم
3م ك من الغاسول الابيض
3 م ك من نيدو
نصف كاس زيت الخيار
نصف كاس زيت الخزمى
نفس الطريقة ديال الصابونات الي سبقو
ملاحضة الزيوت ملي نغطيوهم منفتحوش عليهم طيلة الاسبوع باش يبقاو محافضين على المكونات الي فيهم
وكنتمنى نكون وفيت فالشرح والتقديم ونكون عند حسن ظنكم ودمتام بحب وود
أمة الله123
قد يعجبك ايضا