عندك زربية موسخة ومافيك الي يصبنها فهاذ البرد..عندي لك حل واحسن من تصبينها

توسخات لنا زربية ومع هدا البرد والعكز كدالك هههههه بلا ما ندير سبا بالبرد هههههه
وعييت كل مرة بصابون ديالها هههههههههه

جربت هده القضية والله حتى تحلفي انه صبنتها وحتى الوالدة واختي عجبتهم نتيجة
جربوها والله ما تندمو تشدي زربية تشطبيها مزيان و الا كانت مطبعة تشدي دوك طبايع ترشيهم بشوية ماء مخلط مع شامبوان
وتضعي عليهم ملح وتاخدي موس وتبقي تحكي بالخلف ديال موس براس الي مائل في اعلى موس وتبقي تحكي به طبايع وانت تتلاحظ
انها تتزول والا كانت طبعة صعيبة تعاودي تحكي طبعة بفرشات صابون وتزولي الاوساخ الي طلعات من الطبعة وترشي زربية كاملة بالملح مزيان
وتبقي تمشي فوق من زربية وهي فيها ملح ات واخواتك والا عندكم اطفال في دار راه يعجبهم حال بحال الا تيلعبو ههههه يبقو يمشيو
انا تنمشي ونجي انا واختي ونحك كدامي مع هديك ملح وزربية واختي تتقول لي دبا نشوف فين غادي تخرجني مع هاد شطيح ديالك ههههههه
غادي تسائلو علاش نمشيو عليها ونحكو كدام مع ملح وزربية بعدا كدام يحمرو ويتنقو هههه وسبب هو ان تنساعدو ملح تدخل الزربية داخل وتطلع لنا كل الخملا والاوساخ الي الداخل اوا وتخليها حتى صباح انا عملت هدشي في الليل اوا في صباح فاقت فطرت ومشيت زربية وبديت نشطب فيها والله الا طلعت ليا ملح كحلة متسخة وطلعات ليا كل الخملا الي فيها وعاود شطبتها 2 مرات حتى ما بقات لا ملح لا خملا وتنسوس في شطابة مزيان باش ما تكون لاصقة فيها خملا وخيوط الي لاصقين في زربية من بعد خديت سطل يكون واسع لكي تدخل فيه شطابة وندير فيه قليل ماء وسانيكروى وملح وشطابة تكون نقية نحط شطابة في سطل نحركها فيه نسوسها مزيان من ماء ونشطب زربية ونعاود وكل مرة ندخل شطابة في سطل حتى نساليو وناخد فوطة قديمة ولا شي ثوب يمتص ماء ونجفف الزربية نشفها من ماء مزيان ونفتح شراجم و عملت حتى الفرفارا الي تنتبردو بها في فصل الصيف خدمتها في بيت فوق زربية كي تهوى مزيان ويساعدها برد لكي تنشف لكي ما تعمل لنا ريحة مع انه ماء قليل وفيه سانكروى وملح ما يعمل ريحة لكن حنا نتفادو دالك اوا خليتشراجم مفتوحين نهار كامل واخيرا شعلت المجمر ورميت فيه بخور زوين وسديت الصالة غادي تشوفو ان زربية تنقات وتتشعل والله الا قالت لي اختي انه حسن من اننا نصابنوها وهده العملية وليت كنديرها ديما ما تنخليش زربية حتى تتوسخ لا لكي ما تعدبيش معها بزاف وهكدا تهنيت من صابون زرابي جربوها وردو عليا الخبر وخا تتبان لكم فيها تامرا شوية لكن نتيجة تتستاهل

قد يعجبك ايضا
اترك تعليقا