عندك الشمع شيط اجي نقولك شنو ديري بيه

اليوم جبت بعض استعملات للشمع لي جمعت بعضها من نت واخرى من استعملاتي الشخصيه

اولا نصيحة باش يطوال عمر الشمعة حطيها في فريكو مدة 3سعات قبل اشعال وتمتعي بجو رومنسي اكبر وقت ممكن

2/الا عندك شي سنسلة ديال جاكيت او كسوة او مخدة معكسة حكي عليها شمع
3/عندك خاتم كبير عليك دوبي شمع وعمريه من وسط
4/الا مكوات او مصلوح لصق فيه اوساخ سخنيه ومريري عليه قطعة من شمع ثم مسحيه بقماش نطيف
5/الا سكة ديال ماريو مبقاتش كدوز بزربة دوزي عليها شويه شمع
6/الا عندك تفلاح او تشقوقات بين اصابع رجليك شعلي شمعة وقضري بينتهم غير صبري ولكن دقة بطلة مجرب
7/الا بغتي كريم طابعي لليدين دوبي شمع في حمام مريم مع قليل من زيت روميه وشويه حامض ودريه فيه علبة بلاسطيك ومرة مرة دهني به ايديك مرطب هائل مجرب
8/الا بقات ليك بقيا شمع مهمة اختلفت الوانه كميه كبيرة دوبيه على نار مهيلة في حمام مريم وزديه مجموعة من اورود معطرة ودري ورد في علبة دنون مع ترك فراغ من فوق وصبي الشمع المداب وخليه حتى يبغي ينشف غرسي وسطو شمعة من اشكال جميلة وخليه حتى ينشف مزيان قطعي كاس دنون بمقص وطلعي شمعة وجدة على دوقك ممكن تربطيه بستان حسب دوق
9/دوبي شويه شمع على فاخر وشعليه بسهولة
اخواتي هدشي لي دكرت دبا فلا تنسوني من دعواتكم تحياتي لكل حبابتي عزيزات