عندك السمن فالدار .. دخلي نوريك اش ديري بيه ولي معندهاش هاهي طريقتو ساهلة

السلام عليكم ورحمة الله وبركاته
كنهضر على السمن اللي كيصاوبوه بالزيدة
هاهي صورة من عندي ليكم راه معروف عند الشلوح ب اودي

كيبقا عندي غير محطوط حيث حتى حد مكاياكلو ادن فاش كنصاوب الدجاج المحمر قبل مندخلو يتحمر في الفران وعوض مندهنو بالزبدة كندهنو بالسمن ويا سلام على مداق كيحمق متشبعيش منو واللي كلاه ميعرف ديك النسمة منين جاية
راه هدا سر ديال الطباخة اللي طيبات في عرسي قيل متجي طيب قالت لينا وجدزه ليا راه كندهن بيه الدجاج قبل ما يتحمر واحنا كان عندنا ديجا واجد عليها بقينا كنقولو دكشي علاش الدجاج اللي كطيب متشبعيش منو
ايوا شي دعيوة دالخير

وهاذي طريقتي لتحضير  السمن

بوطة لحقاش الكوييزنيير كتعيي

في المقادير حاجتنا ب كيلو ونصف زبدة

حفنة من الزعتر منقي ومغسول

خبز كارم نحيدو منو اللبابة كناخدو غير القاصح

الطريقة:

ناخد الزبدة نديرها فكاميلة باش تدوب
نزيدو عليها داك شوية دالزعتر
نحركو شوية حتا يدوب كلشي

ملي نحسو بيها دابت كلها نبداو نقطعو عليها الخبز
نسدو عليها شوية وننقصو العافية هاد المرحلة مهمة يعني مكنسدوش عليها وننساوها كنبقاو نطلو والاهم من دلك هو احضار زلافة فيها شوية دالماء ونهزو الماء باطراف الاصابع ونرشو الخليط
قياس نص كاس ديال اتاي دالماء واكرر رش ليس سكب الماء فيه
وكنخليوه قرابة 40 دقيقةعلئ عافية مهيلة حتا كيتبدل له اللون تيكون مايل للدهبي
وهاذاك هو اللون المطلوب مني كنحصلو عليه بعد ديك المدة الزمنية كنطفيو عليه كيبقى بحال هكدا نحولوه من على البوطة نخليوه يبرد

ملاحضات
**مني نديرو الزعتر ادا حبينا كنديرو معاه قبصة ملح
** خاص نحتفضو بيه في مكان درجة حرارتو معتدلة ومن الاحسن يتحط فالارض فالكوزينة يعني عل الارض مباشرة
**يمنع وضعه في التلاجة