علاج النخسة لي كتكون فالصدر والبرودة ضقة ببطلة
السلام عليكم ورحمة الله
هاني جبت ليكم واحد الوصفة شفتها فواحد المنتدى وجيت نفيدكم بها
صاحبة الوصفة كتقول أنها مجرباها شخصيا وهاشنو قالت : ”كنت واحد النهار كنقول غير الموت اللي جاتني كنطلع النفس بصعوبة وكنزلها اصعب
وبقيت شي ثلاث ايام وانا معارفة شنو ندير وكنت دايرة هاد الخليط للولدة ديالي الله اطول لي فعمرها حيت كيضروها ركابيها ونفعاتها الحمد لله
ودهنت بيها صدري وأقسم بالله الى نعست النهار الاول فراحة .مابريتش بالمرة ولكن نقص المرض والنهار الثاني عاودتها والله الى كانني كنت نكدب
وبقيت كنتنفس مرارا باش نتاكد والحمد لله ونفس الشيء وقع لبنتي غير مؤخرا ودرت ليها نفس الخليط والحمد لله.باينة طولت ولكن غير باش تزعمو
راه الحاجة المجربة ماشي بحال اللي مامجرباش”.
كتاخدو حدجة يابسة مدقوقة مزين وتغربلوها وتعبروها زعما الى عطاتكم معلقة كبيرة من مسحوقها غادي تزيدو عليه نفس لقياس حنة مطحونة
ماشي ديال البكية ونفس لقياس من مسحوق قاعقلة وتخلطوهم بكاس زيت بلدية وديرهم فوق النار غير اسخنو وزولهم وزيدو عليها قرعة ماجي
الصفراء وهي كريم بحال الفازلين، وخلطو مزيان وعمروه فقرعة وبقاو الدهنو بالليل لركابي او الضهر ولا للنخسة اللي كتكون فالصدر والله اشافينا واشافي جميع امة سيدنا محمد.
