عصير اقتصادي ولذيذ وكيخرج بزاف ….ينفعك فمناسباتك

كتقدم ليك مجلتك يا لالة طريقة باش تحضري عصير ساهل واقتصادي كيخرج 4 لتر ينفعك للضياف واحسن من مونادا او عصير المعلب.

المقاديــــــر والطريقـــــة :
3 ليمونات مقشرين ومقطعين صغار
2 حامضان وحدة مقشرة ومقطعين صغار
راس معلقة صغيرة فاني
السكر حسب الدوق او رابعة سنيدة
4 لتر من الماء
في خلاط كنوضغو المكونات مع سنيدة ونخليوهم حتى يطلقو شوية ونزيدو شوية الماء ونطحنو مزياااااااان نصفيوهم وناخدو داكشي لي بقا في صفاية نديروه في خلاط مرة اخرى ونطحنوه ونصفيوه نعاودو هدا الطريقة 3 المرات ونزيدو لي بقا من الماء لي كيبغي نسمة الفاني يديرها بالحق راس المعلقة باش ماتجيش مجهدة ندخلوه للثلاجة يبرد ونقدموه بالصحة والراحة