عذبك القادوس ديما مخنوق؟؟ دخلي تشوفي الحل العجيب اللي درت .. رجع يدوز غير الماء فقططط

إيه وخا كنديروا الصفاية ديال القادوس ديما القادوس كيتخنق

والسبب ان الصفاية عيونها كبيرة وضروري كيدوزوا فريتات صغار كيتراكموا فالقادوس وكيخنقوه ويخنزوه لاحقا

حطي فوق الصفاية الحلفة موكيط ثمنها درهم واحد عند البقالة

اصغر فرتوتة فالعالم مادوز كيدوز غير الماء فقط للقادوس

والحلفة خطيرة ما كتخلي حتى حاجة دوز من غير الماء

عمليها حتى فالقوادس الحمام ما يدوز لا شعر ولا أي حاجة اخرى

طبعا تشري الحلفات بلون واحد مخصصة لهذا الغرض

من نهار استعملت هاد الحيلة مابقيت كنعاني من القوادس مخنوقة

وملي كنسالي كنشطب الحلفة بفرشاة الاسنان خصيصة لهذا الغرض

واجي تشوفي شحال الحلفة حبسات العجب

كان غدي يدخل للقادوس وتماك يتركن ويدير لي المتاعب النفسية

ونمشي لعند طبيب نفساني

ويعطيني ادوية الاعصاب

وناكلها ونبقا ناعسة

ويجيوا بناتي من المدرسة ويلقاوني ناعسة